ପାରାଦୀପ ରେ ବିଜେଡି ର 'ଜନସମ୍ପର୍କ ପଦଯାତ୍ରା : ପୌରାଧ୍ୟକ୍ଷ ଓ ସଭାପତି ଙ୍କ ବଳିଷ୍ଠ ନେତୃତ୍ୱ ପ୍ରତି ବିପୁଳ ସମର୍ଥନ

ପାରାଦ୍ୱୀପ ( ଏନ. ପି.ଓ ) : ବିଜୁ ଜନତା ଦଳ (ବିଜେଡି) ର ରାଜ୍ୟ ସଭାପତି ନବୀନ ପଟନାୟକ ଙ୍କ ଆହ୍ୱାନ କ୍ରମେ ପାରାଦୀପ ବିଜେଡି ପକ୍ଷରୁ ନଗର ସଭାପତି କୁମରବର ନାୟକ ଓ ପୌରାଧ୍ୟକ୍ଷ ବସନ୍ତ ବିଶ୍ୱାଳ ଙ୍କ ନେତୃତ୍ୱରେ ଜନସମ୍ପର୍କ ପଦଯାତ୍ରା ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି l ପବିତ୍ର ଗାନ୍ଧୀ ଜୟନ୍ତୀରେ ଅଠରବାଙ୍କି ଠାରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇ ୩ ନମ୍ବର ୱାର୍ଡ ଲକପଡା ପର୍ଯ୍ୟନ୍ତ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଥିଲା l ଏହାପରେ ଅଠରବାଙ୍କି ଠାରୁ ଏକ ବିରାଟ ମଟରସାଇକେଲ ଶୋଭାଯାତ୍ରା ଆରମ୍ଭ ହୋଇ ଏଡିଏମ ଅଫିସ ସମ୍ମୁଖସ୍ଥ ଗାନ୍ଧିଜୀ ଙ୍କ ପ୍ରତିମୂର୍ତ୍ତି ନିକଟରେ ଶେଷ ହୋଇଥିଲା l ଗାନ୍ଧୀ ଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ କରାଯାଇ ଏକ ସଭାର ଆୟୋଜନ କରାଯାଇଥିଲା l ଏହି ସଭାରେ ଅତୀତରେ ନବୀନ ପଟନାୟକ ଙ୍କ ସୁଶାସନ ବିଷୟରେ ଜନସାଧାରଣ ମାନଙ୍କୁ ଅବଗତ କରାଯିବା ସହ ନର୍ତ୍ତମାନ ର ବିଜେପି ସରକାର ର ଜନସ୍ୱାର୍ଥ ବିରୋଧୀ ନୀତି ଓ ନିର୍ବାଚନ ସମୟରେ ଦେଇଥିବା ମିଥ୍ୟା ପ୍ରତିଶୃତି କୁ କଟୁ ଭାଷାରେ ସମାଲୋଚନା କରାଯିବା ସହିତ ବିଜୁ ଜନତା ଦଳକୁ ପୁନର୍ବାର କ୍ଷମତାସିନ କରିବା ନିମନ୍ତେ ଦଳୀୟ କର୍ମୀ ଓ ଜନସାଧାରଣଙ୍କୁ ଆହ୍ୱାନ ଦିଆଯାଇଥିଲା l ତେବେ ଏହି କାର୍ଯ୍ୟକ୍ରମରେ ନଗର ସଭାପତି କୁମରବର ନାୟକ ଓ ପୌରାଧ୍ୟକ୍ଷ ବସନ୍ତ ବିଶ୍ଵାଳ ଙ୍କ ଦୃଢ଼ ନେତୃତ୍ୱ ପ୍ରତି କର୍ମୀ ମାନଙ୍କ ବିପୁଳ ସମର୍ଥନ ଦେଖିବାକୁ ମିଳିଥିଲା l ଏହି ଜନସମ୍ପର୍କ କାର୍ଯ୍ୟକ୍ରମରେ ପାରାଦୀପ ନଗର ବିଜେଡି ର ସାଧାରଣ ସମ୍ପାଦକ ଶଙ୍କର ପ୍ରସାଦ ରାଉତ, ଜିଲ୍ଲା ସାଧାରଣ ସମ୍ପାଦକ ଚିନ୍ମୟ କୁମାର ପରିଡା, ଚିତ୍ତ ରଞ୍ଜନ ରାଉତରାୟ, ଜଗନ୍ନାଥ ରାଓ, ଯୁବ ସଭାପତି ଆଲୋକ କୁମାର ମହାପାତ୍ର, ପାରିଷଦ ଅଜିତ କୁମାର ଷଢଙ୍ଗୀ, ନବକୁମାର ବେହେରା, ସୁଶାନ୍ତ ଦାସ, କବିତା ସାହୁ, ସ୍ୱପ୍ନାରାଣୀ ଜେନା, ପ୍ରଭାତୀ ସରୋଜିନୀ ସାହୁ, ରୁନୁ ପରିଡା, ଯୁବନେତା ରଶ୍ମି ରଞ୍ଜନ ପରିଡା, ନାରୀନେତ୍ରୀ ଚପଳା ସ୍ୱାଇଁ, ନଳିନୀ ପ୍ରଭା ସାହୁ, ରେଖା ପରିଜା, ଲିତା ବିଶ୍ୱାଳ, ଭାରତୀ ସାମନ୍ତରାୟ, ପ୍ରମିଳା ସାସମଲ ଙ୍କ ସମେତ ସମସ୍ତ ୧୯ ଟି ୱାର୍ଡର ଆଗଧାଡିର କର୍ମୀ ଓ ନେତୃସ୍ଥାନୀୟ ବ୍ୟକ୍ତି ମାନେ ସାମିଲ ହୋଇଥିଲେ l