ଗୁରୁତର ଆହତ ମାନସିକ ଭିନ୍ନକ୍ଷମ ଙ୍କ ସମେତ ୭ ଜଣଙ୍କୁ ଉଦ୍ଧାର କଲା ବ୍ୟାସ ଫାଉଣ୍ଡେସନ

ପାରାଦ୍ୱୀପ ( ଏନ. ପି.ଓ ) : ପାରାଦୀପ ନେହେରୁବଙ୍ଗଳା ସ୍ଥିତ ମାଛଧରା ବନ୍ଦରରେ ଜଣେ ୨୦ ବର୍ଷ ର ଜଣେ ମାନସିକ ଭିନ୍ନକ୍ଷମ ଯୁବକକୁ କେହି ଅତି ଅମାନୁଷିକ ଭାବେ ଆକ୍ରମଣ କରି ତାର ମୁଣ୍ଡ ଫଟାଇବା ସହ ଗୋଡ଼କୁ ଭାଙ୍ଗି ପକାଇଦେଇଥିଲା l ଦୁଇଦିନ ହେବ ଉକ୍ତ ଯୁବକ ଯନ୍ତ୍ରଣା ରେ ଛଟପଟ ହେଉଥିବା ଖବର ପାଇ ବ୍ୟାସ ଫାଉଣ୍ଡେସନ ର ଅଧ୍ୟକ୍ଷା ଶ୍ରୀମତୀ ସ୍ନେହମୟୀ ଆଚାର୍ଯ୍ୟ ଏବଂ ତାଙ୍କ ଟିମ ବୁଧବାର ଦିନ ସକାଳେ ଘଟଣା ସ୍ଥଳରେ ପହଞ୍ଚି ଉକ୍ତ ଆହତ ମାନସିକ ଭିନ୍ନକ୍ଷମ ଯୁବକକୁ ଉଦ୍ଧାର କରି ତାର ଚିକିତ୍ସା ନିମନ୍ତେ ପୁରୀର କଣାସ ଠାରେ ଥିବା ନୀଳାଞ୍ଚଳ ସେବାଶ୍ରମ ରେ ଅବସ୍ଥାପିତ କରିଛନ୍ତି l ଏତସହିତ ଶ୍ରୀମତୀ ଆଚାର୍ଯ୍ୟ ବିଶ୍ଵାଳୀ ଓ କୁଜଙ୍ଗ ଅଞ୍ଚଳରୁ ସର୍ବମୋଟ ୭ ଅସହାୟ ମାନସିକ ଭିନ୍ନକ୍ଷମ ଙ୍କୁ ଉଦ୍ଧାର କରି କଣାସ ର ସେବାଶ୍ରମରେ ଛାଡିଛନ୍ତି l ତେବେ ନିଃସହାୟ ଏହି ଭିନ୍ନକ୍ଷମ ଙ୍କ ପାଇ ସାହା ଓ ଆଶାବାଡି ସାଜିଛନ୍ତି ସ୍ନେହମୟୀ ବୋଲି ସାଧାରଣରେ ଚର୍ଚ୍ଚା ହେବା ସହ ତାଙ୍କର ଏପରି ନିସ୍ଵାର୍ଥପର ସେବା କୁ ଉଚ୍ଚ ପ୍ରଶଂସା କରାଯାଉଛି l