ପାରାଦୀପ ବନ୍ଦରର ଅବସରପ୍ରାପ୍ତ ଅଧିକାରୀ ବିଭୂତି ଭୂଷଣ ମହାନ୍ତିଙ୍କ ପରଲୋକ

ପାରାଦ୍ୱୀପ ( ଏନ. ପି.ଓ ) : ପାରାଦୀପ ବନ୍ଦରର ଅବସରପ୍ରାପ୍ତ ଅଧିକାରୀ ବିଭୁତି ଭୂଷଣ ମହାନ୍ତି (୮୦) ଙ୍କର ବୁଧବାର ସକାଳ ୫ଟା ସମୟରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସିତ ଅବସ୍ଥାରେ ହୃଦଘାତ ହେବା ଦ୍ୱାରା ପରଲୋକ ହୋଇଯାଇଛି । ସେ ପାରାଦୀପ ବନ୍ଦରରେ ପ୍ରଥମେ ପୋର୍ଟ ଟ୍ରଷ୍ଟ ହାଇସ୍କୁଲରେ ସହକାରୀ ଶିକ୍ଷକ ଭାବରେ କାର୍ଯ୍ୟ କରିଥିଲେ ଓ ପରେ ପାରାଦୀପ ବନ୍ଦରର କମ୍ପ୍ୟୁଟର ବିଭାଗରେ ପ୍ରୋଗ୍ରାମିଂ ଅଧିକାରୀ ଭାବରେ ଚାକିରୀରୁ ଅବସର ଗ୍ରହଣ କରିଥିଲେ । ତାଙ୍କର ଧର୍ମପତ୍ନୀ ଶ୍ରୀମତୀ ବିଜୟ ଲକ୍ଷ୍ମୀ ମହାନ୍ତିଙ୍କର ପୂର୍ବରୁ ମୃତ୍ୟୁ ହୋଇଛି । ମୃତ୍ୟୁ ସମୟରେ ତାଙ୍କ ବଡ଼ ପୁଅ ପୂର୍ବତନ ଭଲିବଲ ଖେଳାଳି ତଥା ପିପିଏଲ ଡିଏଭି ସ୍କୁଲର କ୍ରୀଡା ଶିକ୍ଷକ ଶାଶ୍ୱତ କୁମାର ଭାରତୀୟ, ସାନ ପୁଅ ସୁଶୃତ କୁମାର, ଦୁଇ ଝିଅ ସ୍ୱାତୀ ସୁଚରିତା ଓ ସଂହିତା ସୁଚରିତା ଏବଂ ବଡ଼ ବୋହୂ ଶ୍ରୀମତୀ ମୋନୀ ଲାଲ ଉପସ୍ଥିତ ଥିଲେ । ଶ୍ରୀ ମହାନ୍ତିଙ୍କ ଶେଷ ଦର୍ଶନ ପାଈଁ ବହୁ ହିତାକାଂକ୍ଷୀ ଓ ବନ୍ଧୁ ବାନ୍ଧବ ହସ୍ପିଟାଲରେ ଉପସ୍ଥିତ ଥିଲେ । ତାଙ୍କର ଶେଷକୃତ୍ୟ ପୁରୀ ସ୍ୱର୍ଗଦ୍ୱାର ଠାରେ ସମ୍ପନ୍ନ ହୋଇଥିଲା ।