ପାରାଦୀପରେ ନୁଆଁଖାଇ ଭେଟଘାଟ କାର୍ଯ୍ୟକ୍ରମ

ପାରାଦ୍ୱୀପ ( ଏନ. ପି.ଓ ) : ପାରାଦୀପର ଜୁହାର ପରିବାର ପକ୍ଷରୁ ୬ତମ ନୁଆଁଖାଇ ଭେଟଘାଟ କାର୍ଯ୍ୟକ୍ରମ ଗତ ରବିବାର ଦିନ ପିପିଏଲ ର ମଲ୍ଟି ପର୍ପୋଜ ହଲ ପରିସରରେ ଉତ୍ସାହ ଉଦ୍ଦୀପନା ସହ ପାଳିତ ହୋଇଯାଇଛି l ଏଥିରେ ଏଥିରେ କଂସ ମହାରାଜ ଭୂମିକାରେ ଅଭିନୟ କରୁଥିବା ହୃଷିକେଶ ଭୋଇ ସଭା ପରିଚାଳନା କରିଥିଲେ l ଏହି କାର୍ଯ୍ୟକ୍ରମ ରେ ପିପିଏଲ ସାର କାରଖାନାର ମୁଖ୍ୟ ଏସ.ଗିରିଶ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଇଫକୋ ୟୁନିଟ ମୁଖ୍ୟ ଅନିରୁଦ୍ଧ ବିକ୍ରମ ସିଂହ ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ l ଏତଦବ୍ୟତୀତ ଆଇଓସିଏଲ ପିପିଏଲ, ଇଫକୋ ସମେତ ପ୍ରାୟ ସମସ୍ତ ଶିଳ୍ପାଞ୍ଚଳର ଅଧିକାରୀ ମାନେ ଅତିଥି ଭାବେ ଉପସ୍ଥିତ ରହି ଜୁହାର ପରିବାର ପକ୍ଷରୁ ପଶ୍ଚିମ ଓଡିଶା କଳା ସଂସ୍କୃତି ଉପରେ ଆଧାରିତ ପୁସ୍ତକ ଉନ୍ମୋଚନ କରିଥିଲେ l ଏଥିରେ ଅତିଥି ମାନେ କଳାକାର ତଥା ନିର୍ଦ୍ଦେଶକ ଜଗନ୍ନାଥ ସେଠ ଙ୍କୁ ଜୁହାର ସମ୍ମାନ ପ୍ରଦାନ କରିଥିଲେ l ଏହି କାର୍ଯ୍ୟକ୍ରମକୁ ପାରାଦୀପ ଜୁହାର ପରିବାରର ସଭାପତି ଅଶୋକ କୁମାର ମେହେର, ଉପସଭାପତି ମେଘବର୍ଣ୍ଣ ସୋହଲା ଏବଂ ସାଧାରଣ ସମ୍ପାଦକ ଡ଼.ହେମନ୍ତ ମେହେର ସଫଳତାର ସହ ପରିଚାଳନା କରିଥିବା ବେଳେ ପରିବାରର ସମସ୍ତ ସଦସ୍ୟ ଓ ସଦସ୍ୟା ଏଥିରେ ସକ୍ରିୟ ସହଯୋଗ କରିଥିଲେ l