ପାରାଦୀପ କଲେଜରେ ଏବିଭିପି ର ବୃହତ ବିଜୟ : ସଭାପତି ଭାବେ ରାକେଶ ବେଜ ବିଜୟୀ

ପାରାଦ୍ୱୀପ ( ଏନ. ପି.ଓ ) : ବିଦ୍ୟାଳୟରେ ଛାତ୍ର ସଂସଦ ନିର୍ବାଚନ ଶେଷ ହୋଇଥିବା ବେଳେ ପାରାଦୀପ ମହାବିଦ୍ୟାଳୟରେ ଛାତ୍ର ନିର୍ବାଚନ ଗୁରୁବାର ଦିନ ଶାନ୍ତିଶୃଙ୍ଖଳା ସହ ଅନୁଷ୍ଠିତ ହୋଇଯାଇଛି l ଏଥିରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ର ସଭାପତି ପ୍ରାର୍ଥୀ ରାକେଶ ବେଜ ନିର୍ବାଚିତ ହୋଇଥିବା ବେଳେ ଉପସଭାନେତ୍ରୀ ଭାବେ ବିଜୁନା ରେଡି,ସାଧାରଣ ସମ୍ପାଦିକା ଭାବେ ଜୁଲି ସାହୁ,ସହ-ସାଧାରଣ ସମ୍ପାଦିକା ଋତୁପୂର୍ଣ୍ଣା ସ୍ୱାଇଁ,ଆଥଲେଟିକ ସେକ୍ରେଟାରୀ ସୌମ୍ୟ ରଞ୍ଜନ ତରାଇ,ଏସଏସଜି ସେକ୍ରେଟାରୀ ଲିଜା ଦାସ,ଗାର୍ଲ୍ସ କମନ ରୁମ ସେକ୍ରେଟାରୀ ସ୍ୱୟମ ପ୍ରଭା ପାତ୍ର,ଗାର୍ଲ୍ସ ରିପ୍ରେଜେଣ୍ଟେଟିଭ ପ୍ରିୟମ୍ବଦା ବାରିକ ବିଜୟୀ ହୋଇଥିବା ବେଳେ ଡ୍ରାମାଟିକ ସେକ୍ରେଟାରୀ ଭାବେ ମାତ୍ର ଗୋଟିଏ ପୋଷ୍ଟରେ ସ୍ୱାଧୀନ ପ୍ରାର୍ଥୀନୀ ରୋଜାଲିନ ସାହୁ ବିଜୟୀ ହୋଇଛନ୍ତି l
ସୂଚନାଥାଉକି ପ୍ରାର୍ଥୀପତ୍ର ଯାଞ୍ଚ ପରେ ୨୩ ରୁ ୧୪ ଜଣ ଏବିଭିପି ପ୍ରାର୍ଥୀ ମାନେ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଥିଲେ ଏବଂ ବାକି ୯ ଟି ପୋଷ୍ଟ ପାଇଁ ଏହି ନିର୍ବାଚନ ହେଉଥିଲା ଯେଉଁଥିରେ ଏବିଭିପି ର ପ୍ରାୟ ସମସ୍ତ ପ୍ରାର୍ଥୀ ଜୟଯୁକ୍ତ ହୋଇଥିଲେ l
ଅନ୍ୟପକ୍ଷରେ ସ୍ୱାଧୀନ ସଭାପତି ପ୍ରାର୍ଥୀ ଦ୍ଵିତୀୟ ସ୍ଥାନରେ ରହିଥିବା ବେଳେ ବିଜୁ ଛାତ୍ର ଜନତା ଦଳର ପ୍ରାର୍ଥୀ ମାନେ ତୃତୀୟ ସ୍ଥାନରେ ରହିଛନ୍ତି l ତେବେ ଏବିଭିପି ର ଏହି ବିଜୟ ପାରାଦୀପ ମହାବିଦ୍ୟାଳୟରେ ଇତିହାସର ପୁନରାବୃତ୍ତି କରିଛି l ୧୯୯୭/୯୮ ମସିହାରେ ପାରାଦୀପ ଛାତ୍ର ସଂସଦ ନିର୍ବାଚନରେ ଏବିଭିପି ର ପ୍ରାର୍ଥୀ ମାନେ ବିଜୟୀ ହୋଇ ଓଡ଼ିଶାରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଥିଲା l