କୁଜଙ୍ଗ କଲେଜ ର ନିର୍ବାଚନରେ ବିସିଜେଡି ର ସମସ୍ତ ନିର୍ବାଚିତ ପ୍ରାର୍ଥୀଙ୍କୁ ବିଜେଡି ନେତା ସନ୍ତୋଷ ପଟ୍ଟନାୟକ ଙ୍କ ଅଭିନନ୍ଦନ

ପାରାଦ୍ୱୀପ ( ଏନ. ପି.ଓ ) : ଗତ ଛାତ୍ର ସଂସଦ ନିର୍ବାଚନରେ କୁଜଙ୍ଗ କଲେଜରେ ବିଜୁ ଛାତ୍ର ଜନତା ଦଳ (ବିସିଜେଡି) ସମର୍ଥିତ ସମସ୍ତ ପ୍ୟାନେଲରେ ବିଜୟୀ ହୋଇ ନିଜର ଦବଦବା ଜାହିର କରିଛି । ଏହି ବିଜୟ ପରେ ବିଜୟୀ ପ୍ରାର୍ଥୀମାନଙ୍କ ମଧ୍ୟରେ ଉତ୍ସାହ ଓ ଆନନ୍ଦର ମାହୋଲ ଦେଖିବାକୁ ମିଳିଛି। କଲେଜରେ ଶପଥ ଗ୍ରହଣ କାର୍ଯ୍ୟକ୍ରମ ସମାପନ ପରେ ସମସ୍ତ ବିଜୟୀ ପ୍ରାର୍ଥୀ ବିଜେଡିର ରାଜ୍ୟ ସମ୍ପାଦକ ତଥା ପାରାଦ୍ବୀପର ବିଶିଷ୍ଟ ଶ୍ରମିକ ନେତା ସନ୍ତୋଷ କୁମାର ପଟ୍ଟନାୟକ ଙ୍କୁ ସାକ୍ଷାତ କରି ତାଙ୍କଠାରୁ ଆଶୀର୍ବାଦ ଗ୍ରହଣ କରିଛନ୍ତି l ଛାତ୍ର ସଂସଦ ନିର୍ବାଚନରେ ସମସ୍ତ ପ୍ୟାନେଲ ର ବିଜୟ ପରେ ବିସିଜେଡି ଶିବିରରେ ନୂଆ ଉତ୍ସାହ ସୃଷ୍ଟି କରିଥିବା ବେଳେ ନବନିର୍ବାଚିତ ଛାତ୍ର ପ୍ରତିନିଧିମାନେ କଲେଜର ବିକାଶ ଓ ଛାତ୍ରଛାତ୍ରୀଙ୍କ ସମସ୍ୟା ସମାଧାନକୁ ନିଜର ପ୍ରାଥମିକତା ଦେବେ ବୋଲି କହିଛନ୍ତି I କୁଜଙ୍ଗ କଲେଜରେ ବିସିଜେଡିର ଏହି ବିଜୟ ଛାତ୍ର ରାଜନୀତିରେ ଏକ ନୂଆ ଅଧ୍ୟାୟ ସୃଷ୍ଟି କରିଛି l ତେବେ ଏହି ବିଜୟ ପାଇଁ ସମସ୍ତ ଶ୍ରେୟ ବିଜେଡି ନେତା ସନ୍ତୋଷ ପଟ୍ଟନାୟକ ଏବଂ ତାଙ୍କ ଭାଇ ଟୁଟୁ ପଟ୍ଟନାୟକ ଙ୍କର ବୋଲି ସମସ୍ତ ବିସିଜେଡି ଛାତ୍ରନେତା ମାନେ ଅବିହିତ କରିବା ସହ ତାଙ୍କ ପ୍ରତି କୃତଜ୍ଞତା ଜଣାଇଛନ୍ତି l