ଏଫସିଆଇ ୟୁନିଅନ ଦ୍ବାରା ବର୍ଦ୍ଧିତ ୧୩୨ ଟଙ୍କା କୁ ପ୍ରତ୍ୟାଖ୍ୟାନ କଲା ପାରାଦ୍ଵୀପ ଏରସମା ଶିଳ୍ପାଞ୍ଚଳ ଶ୍ରମିକ ସଂଘ ।

ପାରାଦ୍ୱୀପ ( ଏନ. ପି.ଓ ) : ଆଇଓସିଏଲ କର୍ତ୍ତୃପକ୍ଷ ଓ ଏଫସିଆଇ ୟୁନିଅନ ଦ୍ବାରା ବର୍ଦ୍ଧିତ ୧୩୨ ଟଙ୍କା କୁ ପ୍ରତ୍ୟାଖ୍ୟାନ କଲା ପାରାଦ୍ଵୀପ ଏରସମା ଶିଳ୍ପାଞ୍ଚଳ ଶ୍ରମିକ ସଂଘ। ଆଇଓସିଏଲ କର୍ତ୍ତୃପକ୍ଷ ବାରମ୍ବାର ଶ୍ରମିକ ମାନଙ୍କ ସ୍ୱାର୍ଥ କୁ ଅଣଦେଖା କରୁଛନ୍ତି। ଠିକାଦାର ଙ୍କ ଅଧିନରେ କାମ କରୁଥିବା ଏହି ଶ୍ରମିକ ମାନେ ଠିକାଦାର ବଦଳିଲେ ସେମାନଙ୍କୁ କାମ ମିଳୁନାହିଁ। ମଜୁରୀ ବୃଦ୍ଧି ରେ ମଧ୍ୟ ତାଳମେଳ ରହୁନାହିଁ, ଯାହାକୁ ବିରୋଧ କରି ବିଭିନ୍ନ ଶ୍ରମିକ ସଂଘ ପକ୍ଷରୁ ଦରମା ବୃଦ୍ଧି ପାଇଁ ଦାବି କରାଯାଉଥିଲା। ଏହି ସମୟରେ ଏଫସିଆଇ ୟୁନିଅନ ଆନ୍ଦୋଳନ କୁ ଓହ୍ଲାଇବା ସହିତ ପୂର୍ବ ବର୍ଦ୍ଧିତ ୮୮ ଥିବା ବେଳେ ଏହି ସେଟେଲମେଣ୍ଟରେ ୧୩୨ ଟଙ୍କା କରାଯାଇଥିଲା। ମାତ୍ର ଆଜି ପାରାଦ୍ଵୀପ ଏରସମା ଶିଳ୍ପାଞ୍ଚଳ ଶ୍ରମିକ ସଂଘ ପକ୍ଷରୁ ଆଇଓସିଏଲ କତ୍ତୃପକ୍ଷ ଙ୍କ ସହିତ ଆଲୋଚନା କରାଯିବା ସହିତ ବର୍ଦ୍ଧିତ ଦରମା ପ୍ରାୟ ୧୮୦ କରିବା ପାଇଁ ଦାବି କରାଯାଇଛି। ପୂର୍ବ ୟୁନିଅନ ଏତେ କମ୍ ଟଙ୍କା ବୃଦ୍ଧି କରାଇ ସେଟେଲମେଣ୍ଟ କରିବା ହାସ୍ୟାସ୍ପଦ ବୋଲି ସଙ୍ଘ ପ୍ରକାଶ କରିଛ। ଯଦି ତୁରନ୍ତ ପୂର୍ବ ବର୍ଷ ଗୁଡ଼ିକ ରେ ଯେଉଁ ଆଧାର ରେ ବୃଦ୍ଧି କରାଯାଉ ଥିଲା, ତାହା କରା ନଯାଏ, ତେବେ ଆନ୍ଦୋଳନ କରାଯିବ ବୋଲି ସଂଘ ର ସଭାପତି ବାପି ସର୍ଖେଲ ଚେତାବନୀ ଦେଇଛନ୍ତି।