ପାରାଦ୍ଵୀପ ବନ୍ଦରରେ ଆଶ୍ରୟ ନେଲେ ଆନ୍ଧ୍ର ଓ ତାମିଲନାଡୁର ୭୫ ବୋଟ୍

ପାରାଦ୍ଵୀପ ( ଏନ. ପି.ଓ ) : ଉପକୂଳ ମୁହାଁ ଗଭୀର ଅବପାତ । ଏହାର ପ୍ରଭାବରେ ଅଶାନ୍ତ ହୋଇପଡିଛି ସମୁଦ୍ର । ଗଭୀର ସମୁଦ୍ରରେ ମାଛ ଧରିବାକୁ ଯାଇଥିବା ମତ୍ସ୍ୟଜୀବୀ ମାନେ ଏହି ଅବପାତ ରେ ଫସିଯାଇଛନ୍ତି । ଉଚ୍ଚ ଜୁଆର ଓ ବର୍ଷା ଯୋଗୁଁ କୂଳକୁ ଆସିବା ସମ୍ଭବ ନହେବାରୁ ସେମାନେ ପାରାଦ୍ଵୀପ ବନ୍ଦରରେ ଆଶ୍ରୟ ନେଇଛନ୍ତି । ବନ୍ଦର ନିଷିଦ୍ଧାଞ୍ଚଳ ଜେଟିରେ ଆନ୍ଧ୍ର ଓ ତାମିଲନାଡୁ ର ୭୫ ବୋଟ୍ ଆଶ୍ରୟ ନେଇଛନ୍ତି। ଏହି ବୋଟ୍ ଗୁଡ଼ିକ ରେ ପାଖାପାଖି ୨୦୦ ମତ୍ସ୍ୟଜୀବୀ ଅଛନ୍ତି । ପାରାଦ୍ଵୀପ ବନ୍ଦର ପକ୍ଷରୁ ସେମାନଙ୍କ ପାଇଁ ଖାଦ୍ୟ ଓ ପାଣିର ବ୍ୟବସ୍ଥା କରାଯାଉଛି । ଅବପାତ କମିବା ପରେ ସେମାନେ ପାରାଦ୍ଵୀପ ବନ୍ଦର ଛାଡ଼ି ନିଜ ରାଜ୍ୟକୁ ଫେରିଯିବେ । ତେବେ ବର୍ତ୍ତମାନ ସୁଦ୍ଧା ପାରାଦ୍ଵୀପ ର କୌଣସି ବୋଟ୍ ସମୁଦ୍ରରେ ନଥିବା ସୂଚନା ମିଳିଛି ।