ଅବପାତ ବର୍ଷା ନେଇ ପୂଜା ମହୋତ୍ସବ କୁ ବାତିଲ କଲା ପ୍ରଶାସନ : ନିରାଡ଼ମ୍ବ ଭାବେ ହେବ ସାମୁହିକ ବିସର୍ଜନ

ପାରାଦ୍ୱୀପ ( ଏନ. ପି.ଓ ) : ବଙ୍ଗୋପସାଗରରେ ସୣଷ୍ଟି ହୋଇଥିବା ଅବପାତ ପ୍ରଭାବରେ ପାରାଦ୍ୱୀପ ରେ ବର୍ଷା ଯାରି ରହିବ । ଆସନ୍ତା କାଲି ଅର୍ଥାତ ୨୩ ତାରିଖ ମଧ୍ୟ ରାତ୍ରୀ କିମ୍ବା ୨୪ ତାରିଖରେ ଏହା ଲ୍ୟାଣ୍ଡଫଲ ସମୟରେ ପାରାଦ୍ୱୀପ ରେ ବର୍ଷା ର ପରିମାଣ ବଢିବା
ପଶ୍ଚିମ-କେନ୍ଦ୍ରୀୟ ଏବଂ ତାହାର ସଂଲଗ୍ନ ଉତ୍ତର-ପଶ୍ଚିମ ବଙ୍ଗୋପସାଗରରେ ସୃଷ୍ଟି ହୋଇଥିବା ଅବପାତ ଏହା ଗୋପାଳପୁର ର ଦକ୍ଷିଣ-ପୂର୍ବରେ ପ୍ରାୟ ୨୦୦ କିମି ପୁରୀ ର ଦକ୍ଷିଣରେ ୨୧୦ କିମି ଏବଂ ବିଶାଖାପାଟଣା ପୂର୍ବରେ ୨୯୦ କିମି ଦୂରରେ ରହିଛି। ଏହା ପଶ୍ଚିମ-ଉତ୍ତରପଶ୍ଚିମ ଆଡ଼କୁ ଗତି କରି ଆଗାମୀ ୧୨ ଘଣ୍ଟା ମଧ୍ୟରେ ପଶ୍ଚିମ-କେନ୍ଦ୍ରୀୟ ଏବଂ ସଂଲଗ୍ନ ଉତ୍ତର-ପଶ୍ଚିମ ବଙ୍ଗୋପସାଗରରେ ଗଭୀର ଅବପାତ ରେ ପରିଣତ ହେବାର ବହୁ ସମ୍ଭାବନା ରହିଛି । ଏ ପର୍ଯ୍ୟନ୍ତ ସାଇକ୍ଲେଲନିକ ଷ୍ଟର୍ମ ସୣଷ୍ଟି ହୋଇନଥିବା ଜଣା ପଡିଥିଲେ ମଧ୍ୟ ଅତ୍ୟଧିକ ବର୍ଷା ପବନ ସମ୍ଭାବନା ଦୃଷ୍ଟିରୁ ଏବଂ ବିଶ୍ୱକର୍ମା ପୂଜାରେ କିଛି ଗେଟ ଭାଙ୍ଗିଥିବାରୁ ସୁରକ୍ଷା ଦୃଷ୍ଟିରୁ ଜିଲ୍ଲା ପ୍ରଶାସନ ଗୋଟିଏ ଦିନ ପୂର୍ବରୁ ପାରାଦୀପ ର ପ୍ରସିଦ୍ଧ ବିଶ୍ୱକର୍ମା ପୂଜା ମହୋତ୍ସବ କୁ ବାତିଲ କରିଛି l ଏହି ପରିପ୍ରେକ୍ଷୀରେ ମଙ୍ଗଳବାର ସନ୍ଧ୍ୟାରେ ପୂଜା ପଡିଆ ଠାରେ ଥିବା ସୂଚନା କେନ୍ଦ୍ରରେ ଏକ ଜରୁରୀକାଳୀନ ବୈଠକରେ ଅତିରିକ୍ତ ଜିଲ୍ଲାପାଳ ନିରଞ୍ଜନ ବେହେରା, ପୌରାଧ୍ୟକ୍ଷ ବସନ୍ତ ବିଶ୍ଵାଳ, ଅତିରିକ୍ତ ଆରକ୍ଷୀ ଅଧିକ୍ଷକ ଅଜିଂକ୍ୟ ବାବୁରାଓ ମାଣେ,ପୌର ନିର୍ବାହୀ ଅଧିକାରୀ ଅଭିଷେକ ପଣ୍ଡା, ପାରାଦୀପ ଆଦର୍ଶ ଥାନା ଅଧିକାରିଣୀ ବବିତା ଦେହୁରୀ ଯୋଗଦେଇ ଉପସ୍ଥିତ ସମସ୍ତ ପୂଜା କମିଟିର କାର୍ଯ୍ୟକର୍ତ୍ତା ମାନଙ୍କ ସହ ଆଲୋଚନା କରିଥିଲେ l ଅବପାତ ଜନିତ ପ୍ରବଳ ବର୍ଷା ପବନକୁ ଦୃଷ୍ଟିରେ ରଖି ସମସ୍ତ ପୂଜା କମିଟି ମଙ୍ଗଳବାର ସକାଳେ ସେମାନଙ୍କର ମୂର୍ତ୍ତି ଗୁଡିକୁ ନିରାଡ଼ମ୍ବ ଭାବେ ବିସର୍ଜନ କରିବାକୁ ପ୍ରଶାସନ ଅଧିକାରୀ ଙ୍କ ନିଷ୍ପତିକୁ ସମସ୍ତ କମିଟି ସଦସ୍ୟ ସହମତି ପ୍ରକାଶ କରିଥିଲେ l