ସୁଦୃଢ଼ ପରିଚାଳନା ଦକ୍ଷତା ବଳରେ ଅର୍ଥବର୍ଷ ୨୭ର ଦ୍ୱିତୀୟ ତ୍ରୈମାସିକରେ ବେଦାନ୍ତ ପାୱାରର ସର୍ବକାଳୀନ ଶ୍ରେଷ୍ଠ ପ୍ରଦର୍ଶନ; ପରିଚାଳନା ଲାଭ (ଏବିଟ୍‌ଡା) ୧୨୨% ଏବଂ ରାଜସ୍ୱ ୩୮% ବୃଦ୍ଧି

ଭୁବନେଶ୍ୱର ( ଏନ. ପି.ଓ ) : ରେକର୍ଡ ଉତ୍ପାଦନରୁ ରେକର୍ଡ ଆୟ:* ବାର୍ଷିକ ଆଧାରରେ ରାଜସ୍ୱ ୩୮%, ପରିଚାଳନା ଲାଭ ୧୨୨%, ବିକ୍ରି ୨୬% ବୃଦ୍ଧି ପାଇଛି; କମ୍ପାନୀ ପ୍ରଥମ ଥର ପାଇଁ ସେୟାର ପ୍ରତି ଆୟ ସକାରାତ୍ମକ କରିବାରେ ସଫଳ ହୋଇଛି ।
• ସର୍ବକାଳୀନ ସର୍ବାଧିକ ଲାଭ ବୃଦ୍ଧି:* ବ୍ୟତିକ୍ରମପୂର୍ଣ୍ଣ ବିଷୟଗୁଡ଼ିକୁ ବାଦ୍ ଦେଇ, ଦ୍ୱିତୀୟ ତ୍ରୈମାସିକରେ କର-ପରବର୍ତ୍ତୀ ନିଟ୍ ଲାଭ ବାର୍ଷିକ ଆଧାରରେ ୧୭୧% ବୃଦ୍ଧି ପାଇ ୧୦୧ କୋଟି ଟଙ୍କାରେ ପହଞ୍ଚିଛି ।
• ସମ୍ପତ୍ତିର ପୁନରୁଦ୍ଧାର ପ୍ରଗତିକୁ ତ୍ୱରାନ୍ୱିତ କରିଛି:* ମୀନାକ୍ଷୀ ଏନର୍ଜିର ପୁନରୁଦ୍ଧାର ଦ୍ୱିତୀୟ ତ୍ରୈମାସିକରେ ବିଦ୍ୟୁତ୍ ବିକ୍ରିରେ ୧୧୧% ବାର୍ଷିକ ଆଧାରରେ ବୃଦ୍ଧି ଆଣିଛି; ଅନ୍ୟପଟେ ଝାରସୁଗୁଡ଼ାରେ ପ୍ଲାଣ୍ଟର ସକ୍ରିୟତା ୯୮%-କୁ ବୃଦ୍ଧି ପାଇ ୧୮୭% ପ୍ରଗତି ରେକର୍ଡ କରିଛି, ଏବଂ ତାଲୱାଣ୍ଡି ସାବୋର ବିକ୍ରି ବାର୍ଷିକ ଆଧାରରେ ୬% ବୃଦ୍ଧି ପାଇଛି ।
ଜାତୀୟ, ୨୯ ଅକ୍ଟୋବର ୨୦୨୬:* ବେଦାନ୍ତ ପାୱାର (ଏନ୍ଏସ୍‌ଇ : ଭେଦପାୱାର୍ ; ବିଏସ୍‌ଇ : ୫୪୪୭୮୧) ଆଜି ୩୦ ସେପ୍ଟେମ୍ବର ୨୦୨୬ ରେ ଶେଷ ହୋଇଥିବା ତ୍ରୈମାସିକର ଫଳାଫଳ ଘୋଷଣା କରିଛି। କମ୍ପାନୀ ତା’ର ସର୍ବକାଳୀନ ସର୍ବୋଚ୍ଚ ତ୍ରୈମାସିକ ପ୍ରଦର୍ଶନ ହାସଲ କରିଛି, ଯେଉଁଥିରେ ବାର୍ଷିକ ଆଧାରରେ ରାଜସ୍ୱ ୩୮% ବୃଦ୍ଧି ପାଇ ୨,୯୦୮ କୋଟି ଟଙ୍କା ଏବଂ ପରିଚାଳନା ଲାଭ (ଏବିଟ୍‌ଡା) ୧୨୨% ବୃଦ୍ଧି ପାଇ ୪୨୧ କୋଟି ଟଙ୍କା ହୋଇଛି। ବ୍ୟତିକ୍ରମପୂର୍ଣ୍ଣ ବିଷୟଗୁଡ଼ିକୁ ବାଦ୍ ଦେଇ କର-ପରବର୍ତ୍ତୀ ନିଟ୍ ଲାଭ ୧୭୧% ବୃଦ୍ଧି ପାଇ ୧୦୧ କୋଟି ଟଙ୍କାରେ ପହଞ୍ଚିଛି, ଯାହା ଲାଭ ବୃଦ୍ଧି କ୍ଷେତ୍ରରେ କମ୍ପାନୀର ସର୍ବକାଳୀନ ଶ୍ରେଷ୍ଠ ପ୍ରଦର୍ଶନ। ଏହି ରେକର୍ଡ ସଫଳତା କମ୍ପାନୀର ବିକାଶ ଯାତ୍ରାରେ ଏକ ନୂତନ ଅଧ୍ୟାୟ ଯୋଡ଼ିଛି, କାରଣ ସୁଦୃଢ଼ ପରିଚାଳନା ଦକ୍ଷତା ସିଧାସଳଖ ଆୟ ବୃଦ୍ଧିରେ ରୂପାନ୍ତରିତ ହୋଇଛି ।
ତ୍ରୈମାସିକ ଆଧାରରେ ମଧ୍ୟ ଏହି ପ୍ରଦର୍ଶନ ସମାନ ଭାବେ ଚମତ୍କାର ରହିଛି, ଯେଉଁଥିରେ ସର୍ବକାଳୀନ ସର୍ବାଧିକ ତ୍ରୈମାସିକ ବିଦ୍ୟୁତ୍ ବିକ୍ରି ବଳରେ ପରିଚାଳନା ଲାଭ (ଏବିଟ୍‌ଡା) ୪୫% ଏବଂ ଲାଭ ୨୭୧% ବୃଦ୍ଧି ପାଇଛି। ଏହା କମ୍ପାନୀର ସମଗ୍ର ପୋର୍ଟଫୋଲିଓରେ ଶ୍ରେଷ୍ଠ ଉତ୍ପାଦନ ଓ ବିକ୍ରିକୁ ଦର୍ଶାଉଛି। ଏକ ଗୁରୁତ୍ୱପୂର୍ଣ୍ଣ ଆର୍ଥିକ ମାଇଲଖୁଣ୍ଟ ଭାବେ ବେଦାନ୍ତ ପାୱାର ସେୟାର ପ୍ରତି ୦.୨୧ ଟଙ୍କାର ପ୍ରଥମ ସକାରାତ୍ମକ ଆୟ ରେକର୍ଡ କରିବା ସହ ବ୍ୟତିକ୍ରମପୂର୍ଣ୍ଣ ବିଷୟଗୁଡ଼ିକୁ ବାଦ୍ ଦେଇ ୧୦୧ କୋଟି ଟଙ୍କାର ଲାଭଜନକ ସ୍ଥିତିକୁ ଫେରିଛି ।
ଅର୍ଥବର୍ଷ ୨୭ର ପ୍ରଥମାର୍ଦ୍ଧ (ଏଚ୍ ୧) ପାଇଁ ବେଦାନ୍ତ ପାୱାର ୫,୫୧୫ କୋଟି ଟଙ୍କାର ରାଜସ୍ୱ (ବାର୍ଷିକ ଆଧାରରେ ୩୫% ବୃଦ୍ଧି), ୭୧୨ କୋଟି ଟଙ୍କାର ଏବିଟ୍‌ଡା ୧୭% ବୃଦ୍ଧି, ଏବଂ ବ୍ୟତିକ୍ରମପୂର୍ଣ୍ଣ ବିଷୟଗୁଡ଼ିକୁ ବାଦ୍ ଦେଇ ୪୨ କୋଟି ଟଙ୍କାର କର-ପରବର୍ତ୍ତୀ ନିଟ୍ ଲାଭ ୧୭୮% ବୃଦ୍ଧି ଘୋଷଣା କରିଛି। ପ୍ରଥମାର୍ଦ୍ଧରେ ବିଦ୍ୟୁତ୍ ବିକ୍ରି ୩୨% ବୃଦ୍ଧି ପାଇ ୧୦,୮୧୭ ମିଲିୟନ୍ ୟୁନିଟ୍ ହୋଇଛି। ପୁରୁଣା ପ୍ରକଳ୍ପ ସହିତ ପୁନରୁଦ୍ଧାର କରାଯାଇଥିବା ନୂତନ ପ୍ରକଳ୍ପଗୁଡ଼ିକର ସମ୍ମିଳିତ ଯୋଗଦାନ ଏହି ସଫଳତା ଆଣିଦେଇଛି ।

ବେଦାନ୍ତ ପାୱାର ଲିମିଟେଡର ସିଇଓ ଏବଂ ପୂର୍ଣ୍ଣକାଳୀନ ନିର୍ଦ୍ଦେଶକ ରାଜିନ୍ଦର ସିଂହ ଆହୁଜା କହିଛନ୍ତି, "ଆମର ଦ୍ୱିତୀୟ ତ୍ରୈମାସିକର ସର୍ବକାଳୀନ ଶ୍ରେଷ୍ଠ ପ୍ରଦର୍ଶନ ଆମ ସମ୍ପତ୍ତିର ଅନ୍ତର୍ନିହିତ ଶକ୍ତି ଏବଂ ପରିଚାଳନା ଦକ୍ଷତାକୁ ଦର୍ଶାଉଛି। ୨,୯୦୮ କୋଟି ଟଙ୍କାର ରାଜସ୍ୱ ଏବଂ ୪୨୧ କୋଟି ଟଙ୍କାର ଏବିଟ୍‌ଡା (ଯାହା ବାର୍ଷିକ ଆଧାରରେ ଯଥାକ୍ରମେ ୩୮% ଏବଂ ୧୨୨% ବୃଦ୍ଧି ପାଇଛି) ପ୍ରମାଣ କରୁଛି ଯେ ଆମେ ଯେଉଁ ନୂତନ କ୍ଷମତା ଯୋଡ଼ିଛୁ ତାହା ଏବେ ସଫଳତା ଦେଉଛି । ଆମର ପ୍ରଥମ ସକାରାତ୍ମକ ଇପିଏସ ବେଦାନ୍ତ ପାୱାର ପାଇଁ ଏକ ଗୁରୁତ୍ୱପୂର୍ଣ୍ଣ ମୋଡ଼। ରେକର୍ଡ ବିଦ୍ୟୁତ୍ ବିକ୍ରି ଆମର ନିରବଚ୍ଛିନ୍ନ ୨୪/୭ ବିଦ୍ୟୁତ୍ ଯୋଗାଇବାର କ୍ଷମତାକୁ ପ୍ରମାଣିତ କରୁଛି। ଭାରତର ବୃଦ୍ଧିପାଉଥିବା ବିଦ୍ୟୁତ୍ ଚାହିଦାକୁ ପୂରଣ କରିବା ପାଇଁ ଆମର ଆଗାମୀ ଯୋଜନାକୁ ଆଗେଇ ନେବା ସହ ସମ୍ପତ୍ତିର ଦକ୍ଷତା ବୃଦ୍ଧି କରିବା ଆମର ମୁଖ୍ୟ ଲକ୍ଷ୍ୟ ରହିବ ।"
ଆନ୍ଧ୍ରପ୍ରଦେଶର ମୀନାକ୍ଷୀ ଏନର୍ଜି ଲିମିଟେଡ୍, ଯାହାକୁ ୨୦୨୩ରେ ଅଧିଗ୍ରହଣ କରିବା ପରେ ୨୦୨୫ରେ କମ୍ପାନୀ ଏହାର ସମ୍ପୂର୍ଣ୍ଣ ୧,୦୦୦ ମେଗାୱାଟ୍ କ୍ଷମତା ପୁନରୁଦ୍ଧାର କରିଥିଲା, ସେଠାରେ ଦ୍ୱିତୀୟ ତ୍ରୈମାସିକରେ ବିଦ୍ୟୁତ୍ ବିକ୍ରି ବାର୍ଷିକ ଆଧାରରେ ୧୧୧% ବୃଦ୍ଧି ପାଇ ୧,୪୭୦ ମିଲିୟନ୍ ୟୁନିଟ୍ ରେ ପହଞ୍ଚିଛି ।
ଓଡ଼ିଶାର ଝାରସୁଗୁଡ଼ା ଇଣ୍ଡିପେଣ୍ଡେଣ୍ଟ ପାୱାର ପ୍ଲାଣ୍ଟ ପୂର୍ବ ବର୍ଷର ସମାନ ତ୍ରୈମାସିକର ୪୮% ତୁଳନାରେ ଏହି ତ୍ରୈମାସିକରେ ୯୮% ପ୍ଲାଣ୍ଟ ସକ୍ରିୟତା ରେକର୍ଡ କରିଛି। ପଞ୍ଜାବର ତାଲୱାଣ୍ଡି ସାବୋ ଥର୍ମାଲ ପ୍ଲାଣ୍ଟ ଦ୍ୱିତୀୟ ତ୍ରୈମାସିକରେ ୨,୯୪୫ ମିଲିୟନ୍ ୟୁନିଟ୍ ବିଦ୍ୟୁତ୍ ଯୋଗାଇଦେଇଛି (ବାର୍ଷିକ ଆଧାରରେ ୬% ବୃଦ୍ଧି) ଏବଂ ପ୍ରଥମାର୍ଦ୍ଧରେ (ଏଚ୍ ୧) ୮୬% ସକ୍ରିୟତା ହାସଲ କରିଛି ।
ବେଦାନ୍ତ ପାୱାର ଲିମିଟେଡର ମୁଖ୍ୟ ଆର୍ଥିକ ଅଧିକାରୀ ପଙ୍କଜ ଝା କହିଛନ୍ତି, "ପରିଚାଳନାଗତ ପୁନରୁଦ୍ଧାର ଆମର ଲାଭଜନକତା ଏବଂ ବାଲାନ୍ସ ଶୀଟକୁ ଅଧିକ ସୁଦୃଢ଼ କରୁଛି। ଆମେ ୪୨୧ କୋଟି ଟଙ୍କାର ଏବିଟ୍‌ଡା (ତ୍ରୈମାସିକ ଆଧାରରେ ୪୫% ବୃଦ୍ଧି) ଏବଂ ବ୍ୟତିକ୍ରମପୂର୍ଣ୍ଣ ବିଷୟଗୁଡ଼ିକୁ ବାଦ୍ ଦେଇ ୧୦୧ କୋଟି ଟଙ୍କାର ରେକର୍ଡ ପିଏଟି ବୃଦ୍ଧି ହାସଲ କରିଛୁ। ଅଧିକ ବିକ୍ରି, ଉନ୍ନତ ମୂଲ୍ୟ ପ୍ରାପ୍ତି, ନିୟନ୍ତ୍ରିତ ଖର୍ଚ୍ଚ, ସୁଚିନ୍ତିତ ପୁଞ୍ଜି ବିନିଯୋଗ ଏବଂ ଆର୍ଥିକ ଦକ୍ଷତା ଯୋଗୁଁ ଏହି ସଫଳତା ମିଳିଛି । ଆମେ ଏପରି ଏକ ବିଦ୍ୟୁତ୍ ବ୍ୟବସାୟ ଗଢ଼ୁଛୁ ଯାହା ନିର୍ଭରଯୋଗ୍ୟ, ସ୍ୱଳ୍ପ ଖର୍ଚ୍ଚବହୁଳ ଏବଂ ଦାୟିତ୍ୱବାନ୍। ଆମର ଦୃଷ୍ଟି ପରିଚାଳନାଗତ ଶ୍ରେଷ୍ଠତା, ଶକ୍ତିଶାଳୀ ବାଲାନ୍ସ ଶୀଟ୍ ଏବଂ ଆମର ସେୟାରହୋଲ୍ଡର ଓ ସେବା ଯୋଗାଉଥିବା ସମାଜ ପାଇଁ ଦୀର୍ଘକାଳୀନ ମୂଲ୍ୟ ସୃଷ୍ଟି କରିବା ଉପରେ ରହିଛି। କ୍ରିସିଲ୍ ଏବଂ ଆଇସିଆରଏ ରୁ ଆମର 'ଏଏ-' ରୋଟିଂ ଆମର ସୁଦୃଢ଼ କ୍ୟାଶ୍ ଫ୍ଲୋ ଏବଂ ଶୃଙ୍ଖଳିତ ଆର୍ଥିକ ପରିଚାଳନାକୁ ଦର୍ଶାଉଛି । ନୂତନ କ୍ଷମତା କାର୍ଯ୍ୟକ୍ଷମ ହେବା ସହିତ ଆମେ ଋଣ ଭାର କମାଇବା ଏବଂ ପୁଞ୍ଜି ଖର୍ଚ୍ଚ ହ୍ରାସ କରିବାକୁ ପ୍ରାଥମିକତା ଦେବା ଜାରି ରଖିବୁ ।"
ପରିଚାଳନାଗତ ପ୍ରଦର୍ଶନରେ ଉନ୍ନତି ସହିତ ଆର୍ଥିକ ସୂଚକାଙ୍କଗୁଡ଼ିକ ମଧ୍ୟ ଅଧିକ ସୁଦୃଢ଼ ହୋଇଛି । ନିଟ୍ ଋଣ/ଏବିଟ୍‌ଡା ଅନୁପାତ ଅର୍ଥବର୍ଷ ୨୭ର ଦ୍ୱିତୀୟ ତ୍ରୈମାସିକ ଶେଷରେ ୪.୪୭x ରେ ରହିଛି, ଯାହା ଅର୍ଥବର୍ଷ ୨୭ର ପ୍ରଥମ ତ୍ରୈମାସିକରେ ୫.୩୮x ଏବଂ ଅର୍ଥବର୍ଷ ୨୬ର ଦ୍ୱିତୀୟ ତ୍ରୈମାସିକରେ ୯.୮୨x ଥିଲା। କମ୍ପାନୀ କ୍ରିସିଲ୍ ଏଏ- ଏବଂ ଆଇସିଆରଏ ଏଏ- କୁ ରେଟିଂ ବୃଦ୍ଧି ହେବା ସହ ନିଫ୍ଟି ୫୦୦ଏବଂ ନିଫ୍ଟି ସ୍ମଲ୍‌କ୍ୟାପ୍ ୨୫୦ସୂଚକାଙ୍କରେ ଅନ୍ତର୍ଭୁକ୍ତ ହେବା ବିଷୟରେ ମଧ୍ୟ ଉଲ୍ଲେଖ କରିଛି । ଦେଶୀୟ କୋଇଲା ସଂଯୋଗ ଏବଂ ଚୁକ୍ତିବଦ୍ଧ ଯୋଗାଣ ବ୍ୟବସ୍ଥା ଇନ୍ଧନ ଏବଂ ଆୟର ନିଶ୍ଚିତତାକୁ ସହାୟତା କରୁଛି; ମୀନାକ୍ଷୀ ପ୍ଲାଣ୍ଟରେ ତାମିଲନାଡୁ ପାୱାର ଡେଭେଲପମେଣ୍ଟ କୋର୍ପୋରେସନ୍ ଲିମିଟେଡ୍ ସହିତ ୩୦୦ ମେଗାୱାଟ୍ ପାଇଁ ପାଞ୍ଚ ବର୍ଷର ବିଦ୍ୟୁତ୍ କ୍ରୟ ଚୁକ୍ତି ଏହାର ଅନ୍ତର୍ଭୁକ୍ତ ।
ବେଦାନ୍ତ ପାୱାର ବାୟୋମାସ କୋ-ଫାୟାରିଂ,ଏମ୍ଇଏଲ୍ ରେ ୧୦୦% ଲୁଣି ଜଳର ବ୍ୟବହାର, ଏପର୍ଯ୍ୟନ୍ତ ପ୍ରକଳ୍ପ ଅଞ୍ଚଳଗୁଡ଼ିକରେ ୯.୦୨ ଲକ୍ଷ ଗଛ ରୋପଣ, ବାର୍ଷିକ ଆଧାରରେ ବିଶୁଦ୍ଧ ଜଳ ବ୍ୟବହାର ୫୧% ହ୍ରାସ ଏବଂ ୬୫% ପାଉଁଶ ବ୍ୟବହାର ମାଧ୍ୟମରେ ପରିବେଶାନୁକୂଳ ସ୍ଥାୟୀ ବିକାଶକୁ ଆଗେଇ ନେଇଛି। କମ୍ପାନୀ ଚାରୋଟି ରାଜ୍ୟରେ ୧.୭ ଲକ୍ଷରୁ ଅଧିକ ମହିଳା ଓ ଶିଶୁଙ୍କ ଜୀବନରେ ସକାରାତ୍ମକ ପ୍ରଭାବ ପକାଇବା ସହ ୭୬% ସ୍ଥାନୀୟ ନିଯୁକ୍ତି ସହିତ ଏକ ସମାବେଶୀ କାର୍ଯ୍ୟପରିବେଶ ସୃଷ୍ଟି କରିଛି ।
ସମଗ୍ର ପୋର୍ଟଫୋଲିଓରେ, ବେଦାନ୍ତ ପାୱାର ଅର୍ଥବର୍ଷ ୩୩ ସୁଦ୍ଧା ଭାରତର ଶୀର୍ଷ ତିନୋଟି ବେସରକାରୀ ତାପଜ ବିଦ୍ୟୁତ୍ ଉତ୍ପାଦନକାରୀଙ୍କ ମଧ୍ୟରୁ ଅନ୍ୟତମ ହେବାର ଲକ୍ଷ୍ୟ ନେଇ ସମ୍ପତ୍ତିର ନିର୍ଭରଯୋଗ୍ୟତା, ଜୈବିକ ସମ୍ପ୍ରସାରଣ ଏବଂ ଅଧିଗ୍ରହଣ କରାଯାଇଥିବା କ୍ଷମତାର ପୁନରୁଦ୍ଧାର ଉପରେ ଧ୍ୟାନ କେନ୍ଦ୍ରୀଭୂତ କରିବା ଜାରି ରଖିଛି ।