ପାରାଦୀପ ବନ୍ଦର ପ୍ରାଧିକରଣ ପକ୍ଷରୁ ବିଶ୍ୱ ସାମୁଦ୍ରିକ ଦିବସ ୨୦୨୬ ପାଳିତ

ପାରାଦ୍ୱୀପ ( ଏନ. ପି.ଓ ) : ପାରାଦୀପ ବନ୍ଦର ପ୍ରାଧିକରଣ ପକ୍ଷରୁ ବିଶ୍ୱ ସାମୁଦ୍ରିକ ଦିବସ ୨୦୨୬ ଶନିବାର ଦିନ ପାଳିତ ହୋଇଯାଇଛି l ଏହି ଅବସରରେ ପାରାଦୀପ ବନ୍ଦର ଉପ-ସରଂକ୍ଷକ କ୍ୟାପ୍ଟେନ ଅଲେଖ ଚନ୍ଦ୍ର ସାହୁ, ଟ୍ରାଫିକ ମ୍ୟାନେଜର ରାଜେନ୍ଦ୍ର କୁମାର ଏବଂ ହାର୍ବର ମାଷ୍ଟର କ୍ୟାପ୍ଟେନ ଇନ୍ଦ୍ରନୀଲ ମୁଖାର୍ଜୀଙ୍କ ଉପସ୍ଥିତିରେ ସାମୁଦ୍ରିକ ଦିବସ ପତାକା ଉତ୍ତୋଳନ କରାଯାଇଥିଲା l ଏଥିରେ ମେରାଇନ୍ ଅଧିକାରୀ, ସାମୁଦ୍ରିକ ସଂଘର ପ୍ରତିନିଧି ଏବଂ ଓଡ଼ିଶା ମେରିଟାଇମ୍ ଏକାଡେମୀ ର କର୍ମଚାରୀ ଏବଂ ଛାତ୍ରମାନେ ସାମିଲ ହୋଇଥିଲେ। ଏହି ଦିବସ ପାଳନ ଅବସରରେ ସନ୍ଧ୍ୟାରେ ଏକ ସେମିନାର ଏବଂ ମାନବ ଶୃଙ୍ଖଳ ଆୟୋଜିତ ହୋଇଥିଲା, ଯାହା ସାମୁଦ୍ରିକ ସଂଘର ସଦସ୍ୟମାନଙ୍କୁ ସାମୁଦ୍ରିକ ସୁରକ୍ଷା, ସ୍ଥାୟୀତ୍ୱ ଏବଂ ଉତ୍କର୍ଷତା ପ୍ରତି ସଚେତନତାକୁ ପ୍ରୋତ୍ସାହିତ କରିଥିଲା। ଏହି ଅବସରରେ ବିଶ୍ୱ ବାଣିଜ୍ୟ, ସଂଯୋଗ ଏବଂ ଅର୍ଥନୈତିକ ଅଭିବୃଦ୍ଧିରେ ଏହାର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରାଯାଇଥିଲା ।