ଅମ୍ବିକାଇ ଗଣ ପରିଷଦ ପକ୍ଷରୁ ମହାବାତ୍ୟାର ୨୭ତମ ସ୍ମୃତି ଦିବସ ପାଳିତ

ପାରାଦ୍ୱୀପ ( ଏନ. ପି.ଓ ) : ଅମ୍ବିକାଇ ଗଣ ପରିଷଦ ଆନୁକୂଲ୍ୟରେ ମହାବାତ୍ୟା ର ୨୭ତମ ସ୍ମୃତି ଦିବସ ଅକ୍ଟୋବର ୨୯ ତାରିଖ ଗୁରୁବାର ଦିନ ପାରାଦୀପ ସ୍ଥିତ ବାବା ସାହେବ୍ ଆମ୍ବେଦକର ଭବନରେ ପାଳିତ ହୋଇଯାଇଛି । ଏହି ଅବସରରେ ପାରାଦୀପ ପୌରାଧ୍ୟକ୍ଷ ବସନ୍ତ ବିଶ୍ବାଳ ମୁଖ୍ୟ ଅତିଥି ଏବଂ ପୂର୍ବତନ ସାଂସଦ ଡା.କୁଳମଣି ସାମଲ ମୁଖ୍ୟବକ୍ତା ଭାବେ ଯୋଗ ଦେଇଥିଲେ l ଅନ୍ୟମାନଙ୍କ ମଧ୍ୟରେ ପାରିଷଦ ସୁବ୍ରତ କୁମାର ପ୍ରଧାନ, ଲେଡିସ୍ କ୍ଲବ ର ସଭାନେତ୍ରୀ ଶ୍ରୀମତୀ ପ୍ରିତିଆରତୀ ପରିଜା,ଇଫକୋ ଲେଡିଜ କ୍ଲବ ର ସଭାନେତ୍ରୀ ଚନ୍ଦନା ପ୍ରିୟଦର୍ଶିନୀ ସାହୁ ଏବଂ ବରିଷ୍ଠ ବାମପନ୍ଥୀ ନେତା ତଥା କବି ବାବୁରାମ ଚୌଧୁରୀ ସମ୍ମାନିତ ଅତିଥି ଭାବେ ଯୋଗଦେଇ ୧୯୯୯ ମସିହା ମହାବାତ୍ୟା ର ଅନୁଭୂତି ତଥା ଆଗାମୀ ପ୍ରାକୃତିକ ବିପର୍ଯ୍ୟୟ ସମୟ ର ସତର୍କତା ଉପରେ ଅଭିଭାଷଣ ପ୍ରଦାନ କରିଥିଲେ l ଉକ୍ତଳ ସମ୍ମିଳନୀର ସଭାପତି ଧୃବ ଚରଣ ମହାପାତ୍ର ବିଗତ ମହାବାତ୍ୟାର ଅନୁଭୂତି ଉପରେ ଆଲୋକପାତ କରିଥିଲେ l ଏଥିରେ କବୟିତ୍ରୀ ପ୍ରେମ ଲତା ବାରିକ ସଭା ପରିଚାଳନା କରିଥିବା ବେଳେ ସ୍ବାଗତ ଭାଷଣ ଓ ଅତିଥି ପରିଚୟ ଦେଇଥିଲେ ଡା.ଅରବିନ୍ଦ ନାୟକ l ଅନ୍ୟ ମାନଙ୍କ ମଧ୍ୟରେ ଅମ୍ବିକା ପ୍ରସାଦ ମହାପାତ୍ର, କବି ନଗେନ୍ଦ୍ର ନାଥ ସ୍ବାଇଁ,କଵି ରମେଶ ଚନ୍ଦ୍ର ତ୍ରିପାଠୀ, କବି ଉର୍ମିଳା ମହାନ୍ତି ନିଜ ଅନୁଭୂତି ବ୍ୟକ୍ତ କରିଥିବା ବେଳେ କବୟତ୍ରୀ ତୁଳସୀ ବରାଳଙ୍କ ସଂଯୋଜନା ରେ କବି ନିମାଇଁ ଚରଣ ମହାପାତ୍ର, ରଞ୍ଜନ କୁମାର ଲେଙ୍କା,ଟୁନି ଖୋଜି, ନଳିନୀପ୍ରଭା ସାହୁ,ନିଳିମା ପ୍ରିୟଦର୍ଶିନୀ, ଧର୍ମପଦ ବାଡୋଇ ପ୍ରମୁଖ ନିଜ ସ୍ବରଚିତ କବିତା ପାଠ କରିଥିଲେ। ଶେଷରେ କବୟତ୍ରୀ ସଙ୍ଘମିତ୍ରା ସ୍ବାଇଁ କବିତା ପାଠ କରିବା ସହିତ ଧନ୍ୟବାଦ ଅର୍ପଣ କରିଥିଲେ l