ମାନସିକ ଭିନ୍ନକ୍ଷମ ଯୁବତୀ ଙ୍କୁ ଉଦ୍ଧାର ଓ ଥଇଥାନ କଲେ ବ୍ୟାସ ଫାଉଣ୍ଡେସନ ଅଧ୍ୟକ୍ଷା ସ୍ନେହମୟୀ

ପାରାଦ୍ୱୀପ ( ଏନ. ପି.ଓ ) : ପ୍ରତିଦିନ ଅନେକ ମହିଳା, ନାବାଳିକା, କେତେ ପ୍ରକାର ନିର୍ଯ୍ୟତନା ର ଶିକାର ହେଉଛନ୍ତି ତାହା ସମସ୍ତଙ୍କୁ ଜଣା, ସେବା ଓ ଆଧ୍ୟାତ୍ମିକ ପ୍ରଚାର ପ୍ରସାର ପାଇଁ ଉତ୍ସର୍ଗୀକୃତ ବ୍ୟାସ ସଂଗଠନ ର ଅଧ୍ୟକ୍ଷା ଶ୍ରୀମତୀ ସ୍ନେହମୟୀ ଆଚାର୍ଯ୍ୟ,ବ୍ୟାସ ବିଷ୍ନୁ ସ୍ନେହାଳୟ ର ସଭାପତି ଡା,ପଣ୍ଡିତ ସିଦ୍ଧେଶ୍ଵର ପଣ୍ଡା, ସଭ୍ୟ ମନୋଜ ପ୍ରଧାନ ଏକ ସେବା କାର୍ଯ୍ୟ ରୁ ଫେରିଲା ବେଳକୁ ଗୋପିନାଥ ଜୀଉ ରେଳ ଷ୍ଟେସନ, ବନିକୁନ୍ଦ ନିକଟରେ ଏକ ପ୍ରାପ୍ତ ବୟସ୍କା ମାନସିକ ଭିନ୍ନକ୍ଷମ ଯୁବତୀ ଏକା ବୁଲା ବୁଲି କରୁଥିଲେ l ସମୟ ରାତି ଦଶଟା ଉପରେ, ବିଳମ୍ବିତ ରାତ୍ରିରେ ଉକ୍ତ ଯୁବତୀ ସହ କିଛି ଅଘଟଣ ଘଟିବାର ସମ୍ଭାବନାକୁ ଦୃଷ୍ଟିରେ ରଖି ତୁରନ୍ତ ଶ୍ରୀମତୀ ସ୍ନେହମୟୀ ଆଚାର୍ଯ୍ୟ ମହୋଦୟl କୁଜଙ୍ଗ ପୁଲିସ କୁ ଫୋନ ଦ୍ଵାରା ଯୋଗାଯୋଗ କରିଥିଲେ l ଥାନା ରେ ପୂଜା ପାଇଁ ଅଧିକ ପୁଲିସ ଉପସ୍ଥିତ ନ ଥିଲେ ମଧ୍ୟ ଭାରପ୍ରାପ୍ତ ଥାନା ଅଧିକାରୀ ଶିବାଶିଷ ଦାସ ଯୁବତୀ ଙ୍କୁ ଉଦ୍ଧାର ପାଇଁ ଗାଡି ଓ ପୁଲିସ ପଠାଇ ଥିଲେ l ମାତ୍ର ମହିଳା ପୁଲିସ ନ ଥିବାରୁ ତଥା ବିଳମ୍ବିତ ରାତି ହୋଇ ଥିବାରୁ ଯୁବତୀକୁ ୱାନ୍ ଷ୍ଟପ୍ କେନ୍ଦ୍ର କୁ ନେବା ସମ୍ଭବ ନ ହେବାରୁ ଶ୍ରୀମତୀ ଆଚାର୍ଯ୍ୟଙ୍କ ତତ୍ତ୍ଵାବୋଧାନରେ ଉକ୍ତ ଯୁବତୀଙ୍କୁ ଆଇନଯିବି ମଞ୍ଜୁଲତା ରାଉତ ଙ୍କୁ ଯୋଗାଯୋଗ କରି ରଜନୀ ଦେବୀ ଜରାଶ୍ରମ କୁଜଙ୍ଗ ଠାରେ ଅବସ୍ଥାପିତ କରାଇଥିଲେ ଏବଂ ଆସନ୍ତା ଦିନ ମଧ୍ୟରେ ସଖି କେନ୍ଦ୍ର ଜଗତସିଂହପୁର ରେ ରଖା ଯିବ ବୋଲି ଶ୍ରୀମତୀ ଆଚାର୍ଯ୍ୟ ପ୍ରକାଶ କରିଛନ୍ତି l କୁଜଙ୍ଗ ପୁଲିସ ର ସହାୟତା ତଥା ରଜନୀ ଦେବୀ ଜରାଶ୍ରମର କର୍ମକର୍ତ୍ତା ଏବଂ ସଖି କେନ୍ଦ୍ର ର ତତ୍ୱାବଧାରକ ପୂର୍ଣ୍ଣ ଚନ୍ଦ୍ର ମଲ୍ଲ ,ମେନକା ସିଂହ,ସୁସ୍ମିତା ଦାସ ଏବଂ ସମସ୍ତ କର୍ମକର୍ତ୍ତା ଙ୍କୁ ବ୍ୟାସ ସଂଗଠନ ପକ୍ଷରୁ କୃତଜ୍ଞତା ଜଣାଇଛନ୍ତି ଶ୍ରୀମତୀ ଆଚାର୍ଯ୍ୟ l