ପୀଠ ପରିଷଦ ର ଆଦିତ୍ୟ ଓ ଆନନ୍ଦ ବାହିନୀ ପକ୍ଷରୁ ୪ର୍ଥ ତମ ସ୍ଵନକ୍ଷତ୍ର ମହୋତ୍ସବ ପାଳିତ

ପାରାଦ୍ୱୀପ ( ଏନ. ପି.ଓ ) : ପୀଠ ପରିଷଦ ଅନ୍ତର୍ଗତ ଆଦିତ୍ୟ ବାହିନୀ ଓ ଆନନ୍ଦ ବାହିନୀ ଜଗତସିଂହପୁର ଜିଲ୍ଲାର, ପାରାଦୀପ ଶାଖା ପକ୍ଷରୁ ୪ର୍ଥ ତମ ସ୍ଵନକ୍ଷତ୍ର ମହୋତ୍ସବ ପାଳନ ଅକ୍ଟୋବର ୧୦ ତାରିଖ ଶନିବାର ମହାଳୟା ଅମାବାସ୍ୟା ଦିନ ପାଳିତ ହୋଇଯାଇଛି । ଏହି ଅମୃତମୟ କାର୍ଯ୍ୟକ୍ରମରେ ପାରାଦୀପ ଶାଖା ସଂଯୋଜକ ଶ୍ରୀକୁମାର ରାଜଗୁରୁ ମହାପାତ୍ରଙ୍କ ନେତୃତ୍ୱରେ ପାରାଦୀପ ସ୍ଥିତ ବାବା ଶ୍ରୀଶ୍ରୀ କପିଳମୁନୀ ଆଶ୍ରମର ସଭା ଗୃହରେ ମଞ୍ଚାସୀନ ମୁଖ୍ୟ ଅତିଥି ଇଂ. ବିପିନ ବିହାରୀ ପାଣିଗ୍ରାହୀ, ଭୂତପୂର୍ବ ମୁଖ୍ୟ ବିଦ୍ୟୁତ୍ ଏବଂ ଯାନ୍ତ୍ରିକ ଅଧିକାରୀ, ପାରାଦ୍ୱୀପ ପତ୍ତନ ପ୍ରାଧିକରଣ, ସମ୍ମାନିତ ଅତିଥି ଇଂ. ସୁଶୀଳ କୁମାର ନାହକ, ମୁଖ୍ୟ ବିଦ୍ୟୁତ୍ ଏବଂ ଯାନ୍ତ୍ରିକ ଅଧିକାରୀ , ପାରାଦ୍ୱୀପ ପତ୍ତନ ପ୍ରାଧିକରଣ, ମୁଖ୍ୟ ବ୍ୟକ୍ତା ପଣ୍ଡିତ ମାତୃ ପ୍ରସାଦ ମିଶ୍ର, ଓଡ଼ିଶା ପ୍ରଦେଶ ଅଧ୍ଯକ୍ଷ, ଗୋବର୍ଦ୍ଧନ ମଠ, ପୁରୀ, ବିଶିଷ୍ଟ ଅତିଥି ଭାବେ କୁମାର ସତ୍ୟଜିତ ବେଜ, ପ୍ରତାପ ଭାରତୀ, ପ୍ରଦେଶ ସହ ସଚିବ ଅଜୟ କୁମାର ନାୟକ, ବାହୁବଳେନ୍ଦ୍ର ମଲ୍ଲିକ,ଓଡ଼ିଶା ପ୍ରଦେଶ ପୂର୍ବ ବିଭାଗର ସମ୍ପର୍କ ସଚିବ ରଜନୀକାନ୍ତ ଦାଶ ପ୍ରମୁଖ ଯୋଗ ଦେଇଥିଲେ l ଜଗତସିଂହପୁର ଜିଲ୍ଲାର କ୍ଷେତ୍ରୀୟ ସଂପାଦକ ବାବା ତାପସ ରଞ୍ଜନ ପତି ମଞ୍ଚ ପରିଚାଳନା କରିଥିଲେ ।
ପୂର୍ବରୁ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ମଧ୍ୟରେ ଅନୁଷ୍ଠିତ ପ୍ରବନ୍ଧ ଓ ଚିତ୍ରାଙ୍କନ ପ୍ରତିଯୋଗିତାରେ ଅଂଶଗ୍ରହଣ କରିଥିବା ପିଲା ମାନଙ୍କୁ ପୁରସ୍କୃତ କରାଯାଇଥିଲା । ଭଜନ କାର୍ଯ୍ୟକ୍ରମ ସହିତ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଶେଷରେ ଉପସ୍ଥିତ ସମସ୍ତଙ୍କୁ ପୁରୀ ମହାପ୍ରସାଦ ବିତରଣ କରା ଯାଇଥିଲା । ଏହି କାର୍ଯ୍ୟକ୍ରମର ସୁପରିଚାଳନା ପାଇଁ ଆଦିତ୍ୟ ବାହିନୀର ସମସ୍ତ କର୍ମକର୍ତ୍ତା ଓ ସଭ୍ୟ ମାନେ ସହଯୋଗ କରିଥିଲେ ।