ନିର୍ମାଣଧୀନ ଜେଏସଡବ୍ଲ୍ୟୁ ପ୍ରକଳ୍ପ ଗେଟ୍ ସମ୍ମୁଖରେ ଶବ ରଖି ଧାରଣା ଦେଇଛନ୍ତି ମୃତକଙ୍କ ପରିବାର

ପାରାଦ୍ଵୀପ ( ଏନ. ପି.ଓ ) : ନିର୍ମାଣଧୀନ ଜେଏସଡବ୍ଲ୍ୟୁ ପ୍ରକଳ୍ପ ଗେଟ୍ ସମ୍ମୁଖରେ ଶବ ରଖି ଧାରଣା ଦେଇଛନ୍ତି ମୃତକଙ୍କ ପରିବାର ।ଘଟଣାସ୍ଥଳରେ ଗ୍ରାମବାସୀ ହୋହାଲ୍ଲା ଓ ଉତ୍ତେଜନା । ଅଭିଯୋଗ ମୁତାବକ ବାଲିତୁଠ ଗ୍ରାମର ପବିତ୍ର ବେହେରା ନିର୍ମାଣଧୀନ ଜେଏସଡବ୍ଲ୍ୟୁ ପ୍ରକଳ୍ପ ରେ ଦିର୍ଘ ଦିନ ହେଲା କାମ କରୁଥିଲେ । ଗତ ୧୪ ଦିନ ତଳେ ସଟର କାମ କରୁଥିବା ବେଳ ତଳକୁ ଖସିପଡି ଗୁରୁତର ଆହତ ହୋଇଥିଲେ। କମ୍ପାନୀ ର ଠିକା ସଂସ୍ଥା ପବିତ୍ର ଙ୍କୁ କୁଜଙ୍ଗ ମେଡିକାଲ ନେଇଥିଲେ ମଧ୍ୟ ତାଙ୍କୁ ସେଠାରୁ କଟକ ପଠାଯାଇଥିଲା । ମାତ୍ର କମ୍ପାନୀ କତ୍ତୃପକ୍ଷ ଏହା ପରଠାରୁ ଆଉ ଧରାଛୁଆଁ ଦେଇନଥିଲେ । ତାଙ୍କର ଅଧିକ ଚିକିତ୍ସା ନିମନ୍ତେ ଭୁବନେଶ୍ୱର ର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ବାରମ୍ବାର ଯୋଗାଯୋଗ କରିଥିଲେ ମଧ୍ୟ କମ୍ପାନୀ କିମ୍ବା ଠିକାଦାର ଚିକିତ୍ସା ରେ ସହଯୋଗ କରିନଥିଲେ । ଆଜି ସକାଳୁ ତାଙ୍କର ମୃତ୍ୟୁ ହେବାପରେ, ପରିବାର ଓ ଗ୍ରାମବାସୀ ପବିତ୍ର ଙ୍କ ଶବ ଜେଏସଡବ୍ଲ୍ୟୁ କମ୍ପାନୀ ଗେଟ୍ ସମ୍ମୁଖରେ ରଖି ଧାରଣା ଦେଇଛନ୍ତି । ପବିତ୍ର ଙ୍କ ପରିବାର କୁ ୫୦ ଲକ୍ଷ ଟଙ୍କା ଓ ତାଙ୍କ ପତ୍ନୀ ଙ୍କୁ କମ୍ପାନୀରେ ନିଯୁକ୍ତି ଦାବିରେ ଧାରଣା ଦିଆଯାଇଛି । ଘଟଣାସ୍ଥଳରେ ଉଜେନା ପରିସ୍ଥିତି ସୃଷ୍ଟି ହୋଇଥିବା ବେଳେ ଅଭୟଚାନ୍ଦପୁର ପୋଲିସ ପହଞ୍ଚି ସେମାନଙ୍କ ସହିତ ଆଲୋଚନା କରୁଛନ୍ତି ।