ମା ରାମଚଣ୍ଡୀ ୟୁଥ୍ କ୍ଲବ୍ ପକ୍ଷରୁ ଯୁବ ସାମ୍ବାଦିକ ଙ୍କୁ ସମ୍ବର୍ଦ୍ଧିତ

ପାରାଦ୍ଵୀପ ( ଏନ. ପି.ଓ ) : ମା ରାମଚଣ୍ଡୀ ୟୁଥ୍ କ୍ଲବ୍ ପକ୍ଷରୁ ଯୁବ ସାମ୍ବାଦିକ ସିଦ୍ଧେଶ୍ୱର ସ୍ବାଇଁ ଙ୍କୁ ସମ୍ବର୍ଦ୍ଧିତ କରାଯାଇଛି । ଶ୍ରୀ ସ୍ବାଇଁ ଦିର୍ଘ ବର୍ଷ ହେଲା ବିଭିନ୍ନ ଗଣମାଧ୍ୟମ ସଂସ୍ଥା ରେ ରହି ସ୍ଥାନୀୟ ପାରାଦ୍ଵୀପ ଓ କୁଜଙ୍ଗ ଅଞ୍ଚଳର ସମସ୍ୟା କୁ ଲୋକଲୋଚନକୁ ଆଣିବା ସହିତ ପ୍ରଶାସନ ଦ୍ବାରା ଏହାକୁ ସମାଧାନ କରିବାରେ ପ୍ରମୁଖ ଭୁମିକା ଗ୍ରହଣ କରିଛନ୍ତି । କରୋନା ସମୟରେ ଲୋକମାନଙ୍କ ନିକଟରେ ପହଞ୍ଚି ସେମାନଙ୍କୁ ସହଯୋଗ କରିବା ସହିତ ଏହି ମହାମାରୀ ରୁ ସୁରକ୍ଷିତ ଏବଂ ସଚେତନ ରହିବା ପାଇଁ ସଚେତନତା ସୃଷ୍ଟି ରେ ସହାୟକ ହୋଇଥିଲେ । ତାଙ୍କର ଏହି ପ୍ରଶଂସନୀୟ କାର୍ଯ୍ୟକୁ ପାରାଦ୍ଵୀପ ଗଡ଼ ପଞ୍ଚାୟତ ନିମିଢି ଗ୍ରାମରେ ଥିବା ମା ରାମଚଣ୍ଡୀ ୟୁଥ୍ କ୍ଲବ୍ ପକ୍ଷରୁ ପ୍ରଶଂସା କରିବା ସହିତ ସମ୍ବର୍ଦ୍ଧିତ କରାଯାଇଛି । କ୍ଲବ ର ୧୯ ତମ ବାର୍ଷିକ ଉତ୍ସବ ଅବସରରେ ଆୟୋଜିତ କାର୍ଯ୍ୟକ୍ରମରେ କ୍ଲବ ସଭାପତି ଭାସ୍କର ସାହୁ , ସମ୍ପାଦକ ଚିଣ୍ଟୁନା ରାଉତ,କୋଷାଧକ୍ଷ ଆଲୋକ ପ୍ରଧାନ, ଉପଦେଷ୍ଟା ମନୋଜ କୁମାର ସ୍ୱାଇଁ ଙ୍କ ସମେତ କ୍ଲବ୍ ର ସମସ୍ତ ସଦସ୍ୟ ଉପସ୍ଥିତ ରହି ଯୁବ ସାମ୍ବାଦିକ ସିଦ୍ଧେଶ୍ୱର ସ୍ବାଇଁ ଙ୍କୁ ଉତ୍ତରୀୟ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରିଥିଲେ ।