ପାରାଦ୍ୱୀପ ବନ୍ଦର ପ୍ରଶାସନିକ ଭବନ ସମ୍ମୁଖରେ ଉଠା ଦୋକାନୀଙ୍କ ଧାରଣା

ପାରାଦ୍ଵୀପ ( ଏନ. ପି.ଓ ) : ପାରାଦ୍ୱୀପ ବିଶ୍ୱକର୍ମା ପୂଜା କୁ ଆସିଥିଲେ ବ୍ୟବସାୟ କରିବାକୁ । ଭଲ ଦୁଇ ପଇସା ରୋଜଗାର ହେବା ଆଶାନେଇ ଖୋଲିଥିଲେ ବେପାର ପସରା । ହେଲେ ବ୍ୟବସାୟ ରେ ପ୍ରଶାସନ କାଳ ସାଜିଲା ବୋଲି ଅଭିଯୋଗ ଆଣି ପାରାଦ୍ୱୀପ ବନ୍ଦର ପ୍ରଶାସନିକ ଭବନ ସମ୍ମୁଖରେ ଧାରଣା ରେ ବସିଛନ୍ତି ପାରାଦ୍ୱୀପ ବିଶ୍ୱକର୍ମା ପୂଜାରେ ପସରା ଖୋଲିଥିବା ସମସ୍ତ ଉଠା ବ୍ୟବସାୟୀ । ଗୋଟିଏ ପଟେ ପାରାଦ୍ୱୀପ ବନ୍ଦର ଇଷ୍ଟେଟ ବିଭାଗ କୁ ଟଙ୍କା ଦେଇ ପ୍ଲଟ କିଣି ଉଠା ଦୋକାନ ପକାଇଥିବା ବ୍ୟବସାୟୀ ମାନଙ୍କ ପାଇଁ ବାଧକ ସାଜିଥିଲା ସମୁଦ୍ର କୂଳରେ ହୋଇଥିବା ମେଳା ସଦୃଶ ୬୦୦ ରୁ ଉର୍ଦ୍ଧ୍ବ ଷ୍ଟଲ । ପାରାଦ୍ୱୀପ ବନ୍ଦର ଇଷ୍ଟେଟ ବିଭାଗ ଠାରୁ ଚଢା ମୂଲ୍ୟରେ କିଣି ମାତ୍ର ତିନିଦିନ ବେପାର ପରେ ଲଘୁଚାପ ଜନିତ ବର୍ଷା ପବନ ପାଇଁ ପ୍ରଶାସନ ତରଫରୁ ବାତ୍ୟା ହେବ ପୂଜା ବନ୍ଦ ଘୋଷଣା କୁ ନେଇ ବ୍ୟବସାୟୀ ମାନେ ମୁଣ୍ଡରେ ହାତ ଦେଇ ବସିବା ସହିତ ପାରାଦ୍ୱୀପ ବନ୍ଦର ପ୍ରଶାସନିକ ଭବନ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହିତ ଗେଟ ବନ୍ଦକରି ଧାରଣା ରେ ବସିଛନ୍ତି । ଯଦି ବେପାର ବନ୍ଦ ତା ହେଲେ ଆମେ ଦେଇଥିବା ଡିପୋଜିଟ ଟଙ୍କା ଆମକୁ ଫେରସ୍ତ କରିବା ଦାବି ନେଇ ଧାରଣା ରେ ବସିଛନ୍ତି ପାରାଦ୍ୱୀପ ବିଶ୍ୱକର୍ମା ପୂଜାରେ ଉଠା ଦୋକାନ ପକାଇଥିବା ସମସ୍ତ ବ୍ୟବସାୟୀ ।